بسم
الله الرحمن
الرحيم
الحمد
لله رب
العالمين و
الصلاة
والسلام على
اشرف
الانبياء و
المرسلين
سيدنا محمد
وعلى اله
وصحبه اجمعين
Qollallahu Ta’ala fii kitabihil karim
“Laqod kaana lakum fii rosuulillaahi
uswatun hasanaah, liman kaana yarjullaaha
wa yaumal aakhira wa dzakarallaaha
katsiiraa”
Waqola Rosulullahi SAW, “Man ahya sunnati, faqod
ahabbani, wa man ahabbani kaana ma’i fil jannah” amma ba'du.
Hadrotil muhtaromin,
para alim para ‘ulama’ wabil
khusus syaikhinal kirom Romo KH. Tahrir saking kebarongan.
Bapak Kepala Desa
Alasmalang, saha para pejabat pemerintah sahe sipil menopo
TNI.
Sesepuh-pinisepuh, jama’ah pengaosan ingdalem maengeti dinten Maulid Nabi Muhammad SAW 1437 Hijriyah wonten ing Musholla Darussalam, ingkang tansah dipun mulyaaken
dening Allah SWT.
Minangka dados pambikaning atur,
mangga kita nglairaken raos puji lan syukur
ing ngarsaning Allah SWT, ingkang sampun paring kita pinten-pinten rahmat, taufiq hidayah saha inayahipun,
saengga ing dalu punika kita
saged makempal wonten ing majlis
ingkang fainsya’allah kebak barokah punika
saperlu anggrawuhi pengaosan ingdalem maengeti dinten Maulid Nabi Muhammad SAW 1437 Hijriyah kanthi sehat wal afiyat,
boten wonten aral setunggal punapa.
Kaping kalihipun sholawat
saha salam
tansah kaatur onjuk dumateng Habiballah wa syafi’ul
ummah, Nabiallah Muhammad
SAW. “Allahummma sholli ‘ala Muhammad”. Lan mugi-mugi lumebero syaffat panjenenganipun dumateng kaluarga, shohabat saha sedaya ummatipun
ingkang tansah tumindak kesaenan. Allahumma amin.
Hadirin ingkang tansah
kawula hormati, keparenga kawula minangka dados pranata adicara wonten ing wekdal punika
badhe maosaken menggah-runtutipun acara ing wkdal punika.
1. Adicara ingkang Kaping sepindah : Pambuka
2. Adicara Kaping kalih : Waosan Ayat Suci
Al-Qur’an
3. Adicara Kaping Tiga : sambutan saking ketua ranting NU
Desa Alsmamalang
4
Adicara Kaping sekawan : Mauidlo Hasanah
5. Adicara kaping akhir : Do’a dalah Penutup
Mekaten kala
wau menggah-runtutipun adicara ing dalu
punika. Sarehe wekdal
sampun sa’wetawis mangga acara ing
wekdal punika kita bikak kanthi
waosan ummul kitab.
Liridhohi ta’ala wabissyafa’ati
Rosulillah SAW, Laumul Fatihah....................
Sembahing panuwun, mugi-mugi
kanthi waosan surotul fatihah kala wau, adicara
ing dalu punika saged kalampahan
kanthi boten wonten aral setunggal
punapa. Lan
saged paring manfaat dumateng kita sedaya.
Niti acara
selajengipun “Waosan ayat suci Al Qur’an” pramila dumateng panjenenganipun sederek Saripudin kawula sumanggaken.
Sembahing panuwun dumateng
panjenenganipun sederek
Saripudin ingkang sampun maosaken Lantunan endah Ayat Suci Al Qur’an. Mugiyo saget paring tambah lancaripun adicara ing dalu
punika, saha saged dados lantaran tambahipun iman lan taqwa
kita dumateng Allah SWT.
Niti acara
kaping tiga sambutan, pramila dumateng Bapak wekdal saha panggenan
kawula serahaken.
Sembahing panuwun
dumateng panjenenganipun Bapak
Hadirin
rohimakumullah, Dening Panitia Pengaosan ing dalu punika
ngaturaken sugeng rawuh, saha sembahing
panuwun dumateng panjenengan sedaya ingkang sampun purun derek
anggrawuhi undangan wonten ing dalu
punika.
Kalajeng adicara inti
ing dalu punika inggih Mauidlohasanah
serta Doa,
ingkang badhe kawekdar sabda dening Syaikhinal kirom Romo KH. Tahrir saking Kebarongan Pramila ingkang tansah kawula ta’dzimi Romo KH. Tahrir saking
Kebarongan, wekdal saha panggenan kawula serahaken.
Allahumma sholli
ala Muhammad.
Sembahing panuwun
dumateng panjenenganipun Romo KH. Tahrir saking
Kebarongan ingkang sampun paring pitedah dumateng kita sedaya. Mugiya
punapa ingkang panjenengan aturaken kala wau saged
kalampahan, saengga saged paring manfaat saha tambahipun iman lan
taqwa dumateng kawula khususipun ugi kita sedaya.
Kawula minangka
dados pranata adicara ing dalu punika. Menawi wonten tindak-tanduk saha pangucap ingkang
kirang nyeceki dumateng manah panjenengan sedaya, kawula ngaturaken gunging samudra pangaksami.
Cekap semanten atur
kawula,
Wallohul
Muwaffiq Ila
Aqwamit Thorieq
Wassalamu’alaikum Wr Wb.
Posts
